Casa das Linguas Concello de Lugo

As “CASAS DAS LINGUAS” xorden no ano 2009 como locais municipais deseñados como espazos socioculturais dirixidos á ensinanza e práctica de idiomas para a poboación en xeral (de 6 anos en diante). Destacan polo seu carácter participativo, polo que persoas usuarias poderán levar a cabo diferentes accións como charlas con persoal formador con especialidade de idiomas, participación en obradoiros, asistencia a proxección de películas en versión orixinal, lecturas, contacontos, campamentos de verán

jueves, 14 de julio de 2022

BASES E DATAS PARA AS INSCRICIONS NOS CURSOS DE IDIOMAS DO VINDEIRO CURSO 2022-2023

1.- Obxecto da convocatoria.

As presentes bases teñen como obxecto regular o procedemento de admisión de alumnado nas Casas das Linguas de Estrada da Granxa e María Balteira para o curso 2022/23.

2.- Persoas destinatarias.

Persoas empadroadas no Concello de Lugo e nenas/os a partir de 6 anos de idade, cumpridos no momento do inicio da actividade. As persoas non empadroadas terán a opción de matricularse no caso da existencia de prazas vacantes.

3.- Modalidade do servizo e período de prestación deste.

As actividades de idiomas en ambas Casas das Linguas, iniciaranse o 15 de setembro de 2022 e rematarán o 16 de xuño de 2023. As clases terán unha duración de 50 minutos. Ofértanse 20 prazas para cada clase no caso de adultos e 15 prazas para as actividades infantís.

4.- Procedemento para a solicitude e concesión do servizo.

O procedemento para a concesión do servizo iniciarase coa solicitude das persoas interesadas durante o período de inscrición entre os días 16 de agosto e 7 de setembro de de 2022.

Poderanse solicitar varios idiomas pero só se poderá presentar unha solicitude por idioma. No caso de solicitudes duplicadas do mesmo idioma nos dous centros, serán anuladas e non entrarán no sorteo.

Realizarase o sorteo das prazas o día 8 de setembro, sendo publicado o listado de persoas admitidas e as listaxes de agarda ese mesmo día a partir das 15:00h, en cada unha das Casas das Linguas, no taboleiro de anuncios municipal e no Blog das mesmas.

5.- Formalización da matrícula: Documentación e pago de taxas.

As persoas admitidas terán que aportar a documentación necesaria para realizar a formalización da matrícula entre o 8 e o 14 de de setembro de 2022.

Para Casa das Linguas Estrada da Granxa poderanse presentar presencialmente ou preferiblemente no correo: casa.linguas@lugo.gal

Para Casa das Linguas Maria Balteira poderanse presentar presencialmente ou preferiblemente no correo: casa.linguas.balteira@lugo.gal

Documentación a achegar:

- Fotocopia do DNI,

- Folla de inscrición cuberta,

- Unha fotografía tamaño carné,

- Xustificante do pago de taxas (Modelo 503)

Os adultos e maiores de 14 anos, deberán abonar 30,90€ por idioma en concepto de matrícula para o curso anual. Para isto deberán de cubrir o impreso 503 para as taxas de pago.

Este impreso pódese recoller nos centros das Casas Das Linguas xa impreso ou ben descargalo da páxina Web do Concello, no caso de descarga do documento, deberanse imprimir 3 copias do mesmo arquivo (ca mesma numeración):

LINK DESCARGA

MODELO 407

Exemplar para o solicitante.

· Exemplar para o banco.

· Exemplar para entregar no centro da Casa Das Linguas

No caso de menores de idade, achegarase o DNI do pai/nai ou titor legal que realice a solicitude, folla de inscrición cuberta, unha fotografía tamaño carné e a autorización da toma de imaxes.

No caso de non formalizar a matrícula no prazo indicado para a mesma perderase o dereito á praza.

Non se considerará matriculada a persoa que non teña presentado o xustificante de pago.

No suposto de que algunha das persoas admitidas incumpran as obrigas de asistencia sen a xustificación oportuna (máis de 4 faltas sen xustificación), causará baixa na actividade solicitada, sendo cuberta a praza, se existe listaxe de reservas, segundo a orde establecida na mesma

6.- Idiomas a impartir .

Impartiranse actividades nos seguintes idiomas:

Inglés.

Niveis adultos: A1, A1.2, A2, B1, B2-C1

Niveis infantíl: Bebé, Magic English 1, Magic English 2, Super Teens

Francés.

Niveis adultos:A1, A2, B1-B2 C1

Niveis infantíl: Bebé, Primaria 1, Primara 2, ESO

Alemán.

Niveis adultos: A1-A2, A2-B1

Niveis infantíl: Iniciación e básico

Galego.

Niveis adultos: Iniciación, preparación de CELGA

Niveis infantíl: Obradoiro de lectura Portugués. Niveis adultos: Iniciación e Intermedio Niveis infantil: Iniciación

Linguaxe de signos.

Niveis adultos: Iniciación Niveis infantíl: Iniciación

Español para erasmus.

En función das necesidades do servizo, ou demanda existente, as clases poderán ser anuladas ou substituídas por outras.

7.- Horarios.

ESTRADA DA GRANXA

MARIA BALTEIRA

lunes, 20 de junio de 2022

INSCRICIÓN CAMPAMENTOS DE VERÁN CASA DAS LINGUAS

Asunto: Bases que rexerán o proceso de matriculación nos campamentos de idiomas nas Casas das Linguas Maria Balteira e Estrada da Granxa 2022

1. Obxecto da convocatoria:

As presentes bases teñen como obxecto regular o procedemento de matriculación nos campamentos de idiomas nas casas das Linguas Maria Balteira e Estrada da Granxa para o ano 2022.

2. Modalidade do servizo, horarios e período de prestación deste.

Os campamentos de idiomas levaranse a cabo nas dúas Casas das Linguas durante as seguintes quendas:

1ª quenda de Xullo: dende o 1 de xullo ata o 14 de xullo (de luns a venres,10 días)

2ª quenda de Agosto: dende o 16 de agosto ata o 31 de agosto (de luns a venres, 12 días)

Horario: das 9:30 ás 13:30 horas.

Co fin de dar unha maior cobertura horaria, a entrada poderá realizarse entre as 9:00 e as 9:30 horas e a saída entre as 13:30 e as 14:00 horas.

As actividades realizadas no campamento serán impartidas en inglés, francés e galego.

O número de prazas ofertadas por quenda son 15 en María Balteira e 15 en Estrada da Granxa.

3. Requisitos das persoas interesadas:

Poderán solicitar praza os nenos/as empadroados/as no Concello de Lugo cunha idade comprendida entre os 5 e 12 anos (os nenos/as deberán ter cumpridos os anos no momento de inicio da actividade).

4. Procedemento de solicitude e concesión do servizo:

O procedemento de concesión do servizo iniciarase a solicitude das persoas interesadas, e realizarase por orde de inscrición mediante correo electrónico dende o día 20 ao 22 de xuño a partir das 10:00 horas da mañá.

As solicitudes deberán de ser dirixidas á dirección de correo da Casa das Linguas na que se queira asistir ao campamento:

-As solicitudes para a Casa das Linguas de estrada da Granxa enviaranse ao correo: casa.linguas@lugo.gal

-As solicitudes para a Casa das Linguas de Maria Balteira enviaranse ao correo: casa.linguas.balteira@lugo.gal

Poderase solicitar por orde de preferencia varias quendas, outorgándose unicamente unha quenda por alumno/a. A solicitude de irmáns haberá de realizarse no mesmo correo indicando os seguintes datos:

- Nome do alumno/a

- Data de nacemento

- Quenda solicitada por orde de preferencia.

- Teléfono de contacto

As prazas outorgaranse por rigorosa orde de inscrición entre o 20 e o 22 de xuño dende as 10:00 horas.

A listaxe de admitidos será publicada o día 23.

Unha vez admitidos, deberase de aportar a documentación necesaria para realizar a formalización da inscrición. O prazo de formalización será entre o 27 e o 29 de xuño.

- Fotocopia do DNI do pai, nai ou titor legal que presente a solicitude.

- DNI do menor

- Folla de inscrición cuberta

- Autorización da toma de imaxes no seu caso.

De non formalizarse a inscrición no prazo establecido perderase o dereito á praza podendo ser cuberta polo primeiro neno/a da lista de agarda.

No suposto de que algún dos/as menores admitidos incumpran as obrigas de asistencia sen a xustificación oportuna, causará baixa na actividade solicitada, sendo cuberta a praza con alumnos/as da lista de agarda.

Reservarase un 25% das prazas ofertadas para nenos e nenas derivados polos equipos de intervención con familias do Excmo. Concello de Lugo dos Servizios Sociais de Base.

No caso de quedar prazas libres, unha vez rematada a listaxe de agarda, poderán cubrirse con alumnos que xa optaran a outras quendas, mediante correo electrónico ou inscrición telefónica.